Það er fátt skemmtilegra en að rekast á alvöru borgarbörn hérna í "sveitinni". Undantekningalaust eru þessi borgarbörn með hæðnislegt glott á vörum og fara að öllu með gát, rétt eins og þau gætu smitast af sveitamennskunni. Reka oft nefið aðeins upp í loftið í leit að fjósalykt svo þau geti nú skellt almennilega upp úr. Fjósalykt, hestalykt, súrheyslykt, fjárhúslykt, skítalykt, já bara alla sveitalega lykt kalla þau fjósalykt og hafa fundið hana áður!!.. já í húsdýragarðinum!!!!

 Ég rakst á nokkra félaga úr Reykjavík um daginn á Pakkhúsinu. Þeir voru í sumarbústað í nágrenninu og voru komnir með ógeð á hvor öðrum svo þeir höfðu ákveðið að skella sér í "þorpið". Ég sá þessa ókunnugu menn sitja við eitt borð út í horni hálf vandræðalegir svo ég gef mig á tal við þá. Jú jú kurteisir herramenn, drukku Carslberg og lyktuðu vel. Eftir stuttar samræður vissi ég að þeir voru hreinrætaðir reykvíkingar. Voru  í HR í lögfræði, áttu íbúð í Hlíðunum og konur sem annaðhvot áttu tískuvöruverslun eða unnu á sólbaðstofum. Loksins kom spurningin sem ég hafði beðið eftir: "Hvað gerið þið eiginlega hérna, er eitthvað að gera, eða?" Strákurinn leit í kringum sig með hneykslissvip á fólkið sem gargaði ofan í hvort annað, dansandi með bert á milli og strákanna sem voru afaskræmdir í framan af munntóbaki. Ég tjáði þeim það að við lifðum bara okkar lífi einsog annað fólk, færum í skólann eða vinnuna, elduðum kvöldmat, horfðum á sjónvarp, færum á kaffihús, í bíó, í heimsóknir til vina, á pöbbinn, á ball, tónleika, út að borða; við værum nú með þrjá veitingastaði á heimsklassa við ströndina, í leikhús, á sýningar, panta pizzu, horfa á video og það sem við vildum gera hverju sinni. Það kom löng þögn, svo spurði ég þá með bros á vör, en hvað gerið þið eiginlega í Reykjavík? Er ekki svo mikið um að vera að þið megið bara ekki vera að því að mæta í skólann? Síminn bjargaði þeim:" Já blessssaður, nei við erum í bústaðnum í Grímsnesi, kíktum aðeins til Selfossar... já skítapleis maður, angar allt af fjósalykt og stelpan á barnum kann ekki að gera Oliver." Þeir hurfu út um dyrnar og ég sat ein eftir. "Á Selfoss segir maður, ekki til Selfossar!" Öskra ég á eftir þeim og fer á barinn. "Einn Stokkseyring takk:"

Jæja.. hverjir ætla að kjósa Eyþór Arnalds í vor??? kommon komið smá umræðu í gang. 

Ég er ennþá að jafna mig eftir áramótagleðina  en þessi yndislega þynnka er nú bara alveg þess virði bara. Ég skemmti mér mjög vel, sjaldan hlegið svona mikið.. enda var karókíkeppnin á pakkaranum á nýársdag mjög skrautleg. Tek það nú fram að ég hafði vit á því að syngja ekki.. enda vita þeir sem þekkja mig að ég er ekki þekkt fyrir góða söngrödd !!!

            Skólinn að byrja á föstudaginn og ég sá það inn á INNU að stundataflan er komin og ég fékk bara einhverjar 17 einingar inn þannig að ég þarf aldeilis að tuða í henni Ásu Nönnu á föstudaginn til að geta útskrifast í vor  æ hvað það verður gaman.  

            En hvað er málið? Ég steig á vigtina áðan og jólin hafa nú leikið mig grátt í þetta skiptið.. maður þarf að taka á því í hinni æðislegu heilsuræktarstöð Styrk á nýjan leik.. enda er ég á þeim aldri að líkamsstarfsemin fer að hægja á sér og enn erfiðara verður að ná af sér hverju grammi.. hvað margar klst. í ræktinni til að ná konfektinu sem ég var að borða af mér? Já eins og sagt er; One second on the lip.. forever on the hip.. eða eitthvað í þá áttina.. ég ætti kannski bara að fara að vinna í því að missa bílprófið aftur til að missa kílóin með kraftgöngu á hverjum morgni í skólann... nei ég gleymdi mér.. það mun ekki gerast aftur, er nefninlega komin með sambönd innan sýsluskrifstofunnar!!!! (smá einkahúmor í gangi)

            En ég er að fara í atvinnuleit, þar sem Hafið Bláa er búið að loka fram á vor.. ef þið vitið um einhver laus störf á Selfossi og nágrenni, látið mig vita.. en munið, ég geri ekki hvað sem er. Til dæmis tek ég ekki að mér að vera húshjálp hjá Geira Sím eða eitthvað svoleiðis .. þó hann sé nú besti vinur minn.. hahaha

Jæja nóg af þessu bulli, er í svefngalsa dauðans.. hvar er Valgerður þá til að hlæja með mér??

Ohh looord bless the people who read this.. AAAAmen

Jólin eru að verða búin. Ég er mjög fegin, vil hefja nýtt ár núna strax með nýjum áherslum og breyttu lífedni. Ég ætla ekki að láta neinn stjórna mér eða koma illa fram við mig og ég ætla að vera algjört nörd sem lærir öll kvöld og vera aldrei við karlmann kennd.

punktur